alwatantimes
Image default
جھارکھنڈ

ہمیں اپنی ترجیحات طے کرنی چاہیے: مفتی محمد ثناء الہدیٰ قاسمی

دھنباد: ذیلی دفاتر کے جائزہ کے چودہویں اور آخری دن دھنباد پہنچنے پر اہم خطاب حالات حاضرہ کے پیش نظر ہماری توجہات اور ترجیحات کی سمت کادرست ہونا ضروری ہے نسل کی ایمانی و فکری بے راہ روی پر حد درجہ تشویشناک رپورٹیں آرہی ہیں ایسے میں سب علماء و دانشوران اور عوام کو متحد ہوکر دینی بیداری پیدا کرنا اسلامی تشخص کو برقرار رکھنا مسلم سماج کو تعلیم کے میدان میں آگے بڑھانا انتہائی ضروری ہے۔ان خیالات کا اظہار امارت شرعیہ بہار و اڈیشہ و جھارکھنڈ کے نائب ناظم وفاق المدارس الاسلامیہ کے ناظم ذیلی دفاتر کے انچارج ملک کے مشہور و معروف عالم دین و کالم نگار حضرت مولانا مفتی محمد ثناء الہدیٰ قاسمی صاحب مدظلہ العالی نے عبد الجبار بڑی مسجد واسع پور دھنباد میں خطاب کرتے ہوئے انہوں نے کلمہ کی بنیاد پر اتحاد تعلیم اور خدمت خلق کے بارے میں فرمایا کہ یہ امارت شرعیہ کی ترجیحات میں شامل ہے، مفتی صاحب نے اجتماعیت اور اس کے تقاضوں پر سیر حاصل گفتگو فرمائ، مفتی صاحب ان دنوں امیر شریعت حضرت مولانا احمد ولی فیصل رحمانی مدظلہ العالی کی ہدایت پر ذیلی دفاتر کے جائزہ اور وہاں کے ضروریات و تقاضوں کے تعلق سے سفر پر ہیں انہوں نے اس موقع سے امارت شرعیہ دھنباد میں جاری دینی مکتب کے طلبہ و طالبات سے قرآن مجید و اذکار مسنونہ سنکر ضروری مشورہ بھی دئے اور اسلامیہ ہائی اسکول مہلی ڈیہ کے پرنسپل و امارت شرعیہ ارباب حل و عقد کے رکن حضرت مولانا یوسف قاسمی صاحب کی دعوت پر اسکول کا جائزہ لے کر خوشی کا اظہار فرمایا اور جھارکھنڈ میں جاری امارت پبلک اسکول کے تعلق سے ضروری مشورے کئے۔حضرت مفتی صاحب نے آئندہ نسلوں کی آب یاری و ذمہ داریوں کی جانب توجہ مبذول کرنے کا مشورہ بھی دیا آپ نے فرمایا کہ سکنڈ لائن کی تیاری ضروری ہے، انہوں نے فرمایا کہ قحط الرجال کی بات کرنا صحیح نہیں ہے ہمارے پاس قابل افراد ہیں جن کی تربیت کرکے سکنڈ لائن تیار کی جا سکتی ہے، لیکن اس طرف ہماری توجہ نہیں ہے، ضرورت سکنڈ لائن اور دوسری صف کی تیاری کی ہے کیوں کہ یہی ہمارے بعد ہمارے مشن تحریکات اداروں کو حیات نو بخشنے کا کام کریں گے، چودہ دن کے طویل اور تھکا رہنے والے دورے آج مفتی صاحب پٹنہ کے لئے روانہ ہوگئے، قاضی محمد شاہد قاسمی،مولانا محمد شمیم اختر،نورالاسلام ،مولانا افروز ندوی وغیرہ نے انہیں الوداع کہا،یہ اطلاع مولانا محمد شمیم اختر استاذ مکتب امارت شرعیہ دھنباد نے دی ہے۔

Related posts

جھارکھنڈ کے وزیر ستیانند بھوکتانے تیجسوی اور ان کی اہلیہ کو مبارک باد دی

alwatantimes

جھارکھنڈ اسمبلی میں ہنگامہ آرائی سے وقفہ سوالات میں خلل

alwatantimes

تمام کنٹریکٹ ملازمین کا مسئلہ حل کیا جائے گا:ہیمنت سورین

alwatantimes

Leave a Comment